Cantu Nustrale

L'emissione Cantu nustrale ci porta sta settimana à a scuperta di duie messe pocu cunnisciute, a messa di u Mucale è quella di Pioggiola. Sò messe registrate in u 1977 è 1986 cù un travaglione fattu da a squadra di Pigna.

L'emissione "Cantu nustraleé" ci porta, sta settimana, à a scuperta di a messa di i vivi di Sermanu. Un discu registratu in u 1977 cù cantadori di u rughjone, Paulu Mariani, Petru Guelfucci, Lesiu Giacobbi è Ghjorghju de Zerbi. Un'emissione induve puderete stà à sente a messa sana di i vivi da l'introitu dedicatu à Santu Avustinu, patrone di u paese festighjatu u 28 d'aostu, sin'à u Diu vi salvi Regina. Nentru, senterete Iste confessor, un cantu in latinu dedicatu à i Santi.

L'emissione Cantu Nustrale ci porta, oghje, à a scuperta d'una ghjovanna artista dighjà rinumata in l'universu di u cantu corsu: Lesia Leoncini. Dopu avè vintu un cuncorsu trè anni fà, face a so strada cù u gruppu Isulatine è dapoi qualchì tempu, Doria Ousset à traversu u prughjettu "Cori Sponde".

Sta settimana, l'emissione "Cantu Nustrale" ci porta à trattà di l'opera di Patrizia Gattaceca, "U cantu di i canti". Un dischettu esciutu dui anni fà, fruttu d'un adattazione di u famosu testu di a bibbia chè l'artista hà messu in musica. Patrizia Gattaceca chì gira iss'estatina cù stu prughjettu. Hè oghje l'invitatu di Filippu Peraut per parlà ne.

À l'occasione di l'emissione "Cantu nustrale", l'artistu Pierre Gambini hè u nostru invitatu per prisentà u so ultimu spettaculu: "A legenda". Ind'un mondu imaginariu chi si passa in cillavita, a ghjente hè sottu à l'auturità d'un guvernatore chì li face crede ciò ch'ellu vole. U presunaghju principale scontra una donna. Cù l'amore, quella li permette di sorte d'issa trappula. Un spettaculu cuntatu è cantatu (14 canzone) da Pierre Gambini cù amichi musicanti, fiure, adurnamenti, ecc...

L'émission "cantu nustrale" nous porte, cette semaine, à la rencontre de l'ensemble "village Harmony". Une structure basée aux USA et qui comprend des chanteurs et chanteuses du monde entier qui tournent régulièrement en apprenant les chants du monde. L'ensemble était à Canari fin juin pour une dizaine de jours d'apprentissage des chants traditionnels sacrés et profanes. L'occasion, début juillet, à l'initiative du groupe Spartimu, de présenter un concert comprenant des chants corsex et du monde.

Dopu à duie emissione dedicate à a messa di Campile, ricivimu à Michè Paoli, cantadore di i gruppu Tavagna, è appena u capimachja di a squadra chì hà restituitu sana, a messa di i vivi è di i morti d'issu paese. Michè Paoli chì ci spiega inde st'emissione cum'hè natu issu prughjettu è cumu s'hè sviluppatu.

Ritruvemu, sta settimana, a seconda parte di l'emissione dedicata à a messa di Campile, restituita dopu à trè anni di travagliu. Dopu à a messa di vivi, ascultemu, sta volta, a messa di morti cù versi particulari, diferenti di cì chì si face altrò.

L'emissione "Cantu nustrale" ci porta, sta settimana à a scuperta di a messa di Campile, paese di u Cismonte in Castagniccia. Dopu à un travagliu di trè anni, unepochi di cantadori frà i quali Michè Paoli, di u gruppu Tavagna, anu esciutu iss'opera fruttu d'un travagliu d'Orsu Paulu Giovannonu, chì fece rinasce sta messa, sparita in l'anni cinquanta. Una restituzione fatta cù u sustegnu di u Tavagna Club, a Cdc, u centru d'arte polifonicu di Sartè è a cumuna di Campile. À nivellu tecnicu, Pimento Prod per filmera è post-prod, Manu Gallet per u mix-sonu, è François Desjobert per u ritrattu.
Stemu à sente un pezzucciu d'iss'emissione

Ci ritruvemu, stu sabbatu, in l’emissione Cantu Nustrale per a seguita di u dischettu « Era scrittu », un’opera di 15 canzone è una paghjella, di u famosu cantadore Ghjuvan Francè Luciani. Principiemu sta seconda emissione cù una canzona d’amore « U ghjornu hè di ritornu... »

À l'occasione di l'esciuta, u 18 d'aprile scorsu, di u so primu discu, "Era Scrittu", u cantadore Ghjuvan Francè Luciani hè l'invitatu di Filippu Peraut per parlà ne. Cantadore membre di I Muvrini, furmatore, paghjellaghju, Ghjuvan Francè Luciani s'hè arrimbatu nantu à scritti di u famosu Uccitanu Joan de Nadau, tutti adattati in lingua corsa o ripigliati tale è quale in lingua francese per cuncepisce a so opera....

Cantadore è musicante famosu è ricunnisciutu in tutta l'isula, Ghjuvan Micheli Weber hà esciutu, qualchì tempu fà "À l'usu anticu", Un opera di diciottu tituli chì trattanu, à mezu à musiche chè l'autore hà vulsutu di modu tradiziunale, di tutte e tematiche chì toccanu a Corsica. Ghjè ellu stessu chì hà scrittu è cumpostu tutti e canzone. cù a participazione di Filippu, u so nipote, Pierre-Paul, figliolu di Larenzu amicu di a prima squadra da i Voci di a Gravona, cum'è Dumè Barazza, chì participeghja dinò à stu dischettu eppo Battì Paoli à a ghitarra. Stemu à sente à un pezzucciu d'iss'emissione.

Bernardu Ferrari hà esciutu u so primu dischettu, qualchì tempu fà. Passiunatu di cantu dapoi a so zitellina, hè statu ciuttatu nentru cù un babbu sunadore di mandulina è un ziu sunadore di ghitarra. Musicante di prima trinca, hè a prima volta ch'ellu canta. "Di capu è di core" hè un'opera di sedeci tituli, chì trattanu di sughjetti d'oghje.

Sta settimana, l'emissione Cantu Nustrale, ci porta in u paese di Rusiu per scopre o sente qualchì cantu è musica d'issu patrimoniu assai riccu. Puderete ascultà à Filippone Rocchi à u viulinu è so figliolu Carlu per dui serenati, duie paghjelle è un pezzu di riverbula. U tuttu registratu u 15 d'aostu 1959 in Rusiu da l'etnomusicologu Felice Quilici.

L'émission "Cantu Nustrale", nous conduit, cette semaine à partir en Balagne et découvrir particulièrement tout le patrimoine polyphonique, monodique, sacré et profane du village de Speluncatu, qui recèle un véritable trésor. Une émission, comme bien d'autres, effectuée en partenariat avec le musée de la Corse et Damien Delgrossi, responsable de la phonotèque.

À l'occasione di l'emissione "Cantu nustrale" di sta settimana, RCF Corsica vi prupone, cù u so invitatu Damien Delgrossi, di u museu di a Corsica, di scopre qualchì cantu è musica di u patrimoniu guagnese. Canti registrati inu 1960 è 1962 da Felice Quilici è u 1973 da Wolfagang Laade, u famosu "Circinellu" ripigliatu, guasgi tale è quale da i Voci di a Gravona, in l'anni ottanta. Stemu à sente, un pezzucciu d'iss'emissione induve si tratta, ghjst'à, puntu, di "Circinellu"

Nous continuons, dans cette émission "cantu nustrale", à explorer des musiques diférentes mais présentant certaines similitudes avec le chant traditionnel corse. Après avoir découvert le oud au cours de diverses émissions, ses origines et ses différentes évolutions, notre invité, Ghassen Azaiez, ethnomusicologue, joueur de oud, compositeur et enseignant, nous propose de découvrir la musique flamenca.

L'émission Cantu Nustrale, nous conduit, cette semaine à découviir six maîtres de oud, issus de plusieurs traditions et qui ont, chacun avec sa méthode, largement influcencé la pratique. Ghassen Azaiez, ethnomusicologue, compositeur, joueur de oud et professeur d'éducation musicale à Corte, est notre invité pour en parler.

Scuprimu torna, à l'occasione di a seconda emissione chì li hè dedicata, u gruppu Balagna, custituitu di cinque membri. Sta settimana, si tratta di dui prughjetti creati da a struttura, "À cantu à Paoli", un spettaculu cuntattu è cantatu di sicuru è chì hà giratu l'annu scorsu, ma sopratuttu "Panteone" chì mette in vale l'omi scunnisciuti di a storia di Corsica. Marc'Andria Castellani, unu di i respunsevuli di u gruppu, hè nostru invitatu oghje, per parlà ne.